Google ADS

Pacienti që rezultoi sot pozitiv me COVID-19, nuk gjendet në Komunën e Malishevës

00:29 | 25 Qershor 2020
Trina Galanxhi

Komuna e Malishevës përmes një komunikate për media sqaron se personi i rezultuar pozitiv me koronavirus, nuk gjendet në këtë komunë, pasi që ai është kthyer në vendin e tij ku jeton me familje jashtë vendit.

Sqarimi i Komunës së Malishevës vjen pasi që Instituti Kombëtar i Shëndetësisë Publike (IKSHP) njoftoi sonte se edhe një person nga Komuna e Malishevës ka rezultuar pozitiv sot me COVID-19.

Shtabi Komunal Emergjent për Menaxhimin e Situatës me pandeminë COVID-19 në Malishevë sqaron se ka pasur kontakt me personin, i cili e ka konfirmuar se ka udhëtuar për në vendin ku jeton me familje dhe punon atje.

Testi i është bërë ditë më herët dhe i njëjti për shkak të obligimeve në punë, nuk ka mund të presë më gjatë për marrjen e rezultatit të analizës.

Shtabi Komunal iu bën thirrje të gjithë qytetarëve që të vazhdojnë të respektojnë masat mbrojtëse kundër COVID-19, duke mbajtur distancën sociale, maskat mbrojtëse dhe higjienën e nevojshme./lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm